Það verður þéttsetið hérna í kvöld.
Það er uppselt á leik Tyrklands og Íslands sem fer fram í Izmir í kvöld. Þetta er annar leikur Íslands í Þjóðadeildinni en fyrsti leikurinn var 2-0 sigur gegn Svartfjallalandi síðasta föstudag.
Leikurinn í kvöld fer fram í Izmir, sem er þriðja fjölmennasta borg Tyrklands. Hér er mikill hiti, um 30 gráður, en það er stutt í sjóinn og golan er nokkur.
Það verður spilað á Gürsel Aksel Stadium, heimavelli Göztepe. Völlurinn tekur tæplega 20 þúsund manns í sæti og er auðvitað uppselt. Fólk stóð í röðum í gær að kaupa miða á leikinn.
Þá verða 44 blaðamenn á leiknum - þar á meðal frá Fótbolta.net - og 22 ljósmyndarar.
Leikur Tyrklands og Íslands hefst 18:45 í kvöld og er auðvitað í beinni textalýsingu á Fótbolta.net.
Athugasemdir
