Yfirlýsing Blackburn: Mjög vonsviknir með ákvörðun stjórans

John Eustace, stjóri Blackburn, ætlar að ræða við Derby County um möguleikann á að hann taki við sem stjóri liðsins. Þetta kemur fram í tilkynningu Blackburn í dag. Derby er í fallbaráttu á meðan Blackburn er í harðri baráttu um að fara upp.

Í yfirlýsingu Blackburn er tekið fram að félagið sé mjög vonsvikið með stjórann að óska eftir því að fara í viðræður við annað félag á þetta mikilvægum tímapuntki á tímabili. Blackburn segir að félagið hafi með trega gefið honum leyfi til að ræða við Derby.

Í yfirlýsingunni er einnig tekið fram að félagið sé í góðri stöðu í deildinni og stjórinn hafi fengið að styrkja hópinn í glugganum með sex nýjum leikmönnum.

Það er ákvæði í samningi Eustace við Blackburn sem gefur honum kost á því að ræða við annað félag.