Ingibjörg Sigurðardóttir spilar gegn Bröndby í dag
Bröndby og Vålerenga eigast við í 32-liða úrslitum Meistaradeildar Evrópu í dag en tveir Íslendingar eru á mála hjá Vålerenga.
Ingibjörg Sigurðardóttir hefur verið besti leikmaður Vålerenga og norsku deildarinnar frá því hún kom frá Djurgården á síðasta ári.
Amanda Andradóttir gekk þá til liðs við Vålerenga frá Nordsjælland undir lok síðasta árs en hún þykir með efnilegustu leikmönnum Íslands.
Upphaflega áttu liðin að mætast í tveimur leikjum í desember en var frestað vegna kórónaveirunnar. Þá er ekki hægt að spila í Noregi og var því ákveðið í samvinnu við UEFA að spila einn leik í Danmörku.
Leikurinn hefst klukkan 14:00 og fer sigurliðið því beint í 16-liða úrslit.
Leikur dagsins:
14:00 Bröndby - Vålerenga
Athugasemdir
