Leon Osman, fyrrum miðjumaður Everton, segir að Gylfi Þór Sigurðsson sé farinn að hafa vaxandi áhrif á lið Everton.
Gylfi lék á als oddi í bikarsigri gegn Tottenham í gær en hann skoraði eitt mark og lagði upp þrjú.
Osman hrósar Gylfa í hástert.
Gylfi lék á als oddi í bikarsigri gegn Tottenham í gær en hann skoraði eitt mark og lagði upp þrjú.
Osman hrósar Gylfa í hástert.
„Að spila leik þar sem maður nær marki, þremur stoðsendingum og koma að fleiri jákvæðum hlutum í leik Everton... mér fannst hann framúrskarandi í þessum leik," sagði Osman.
„Hann hefur haft vaxandi áhrif á Everton. Leikurinn í gær byrjaði ekki vel fyrir hann því hann átti að gæta Davinson Sanchez í fyrsta marki Tottenham. En eftir það þá kom hann að öllu því jákvæða í spilamennsku Everton."
„Hann er á frábæru skriði og heldur James Rodriguez út úr liðinu sem stendur."
Athugasemdir