„Þetta eru vonbrigði eftir geggjaðan seinni hálfleik og þvílíka yfirburði. Sérstaklega þegar við erum komnir í 2-1 og fáum gott færi til að komast í 3-1 og ganga frá leiknum.“ sagði Halldór Árnason, þjálfari Breiðabliks, eftir 2-2 jafntefli við Stjörnuna í Garðarbænum í kvöld.
Lestu um leikinn: Stjarnan 2 - 2 Breiðablik
„Þeir fá ókeypis víti í fyrri hálfleik sem setti okkur í erfiða stöðu í hálfleik. Fyrri hálfleikurinn var mjög taktískur og 0-0 í hálfleik hefði ekki verið slæm staða. En þessi vítaspyrnudómur er eitthvað mesta fíaskó sem ég oðrið vitni af. Davíð Ingvarsson stendur inni í teig með hendurnar niðri, Emil setur báðar hendur utan um hann og grýtir honum í jörðina. Þetta var brot og sennilega gult spjald (á Emil). Davíð stendur upp, snýr bak í völlinn, með hendina upp við síðuna og fær boltann í hendina. Þetta fer í hendina á honum og kannski hægt að réttlæta að þetta sé hendi, ég veit það ekki.“ sagði Halldór og bætti svo við að honum var hótað að fá rautt spjald.
„En að reyna að ræða síðan við dómarateymið og fá einhver svör og skýringar, og bullið sem maður fær hérna í andlitið. Lýsingar á einhverjum atburðum sem áttu sér stað í einvherri annari veröld eða öðrum leik í besta falli. Hótanir og rauð spjöld ef maður spyr oftar, þetta er ekki hægt. Þegar það er sparkað í andlitið á Höskuldi er það auðvitað ekki neitt. Það er leiðinlegt að þurfa að tala um þetta en þetta hafði risa áhrif á þennan leik.“
Hverskonar lýsingar fær Halldór frá dómaranum um þennan vítaspyrnudóm?
„Ég fékk allskonar lýsingar á því hvernig Davíð væri að hrinda, ýta og berja menn og eitthvað. Svo horfir maður á þetta aftur og hann fær tvær hendur í kassann og er grýtt í jörðina. Þetta ótrúlegt. En aðalatriðið er að þeir voru örugglega að gera sitt besta. Þegar þeir koma heim og horfa á leikinn aftur, sem ég vona að þeir geri, verður það erfitt fyrir þá að gera svona stór mistök. Kannski verður maður að sýna þeim samúð en þetta var alltof stórt atvik í leiknum.“
Halldóri fannst Stjarnan komast upp með margt í dag.
„Mér fannst Stjarnan fá ókeypis víti og mér fannst Stjarnan sleppa við að fá víti á sig. Ég skil ekki yfir hverju þeir eru að kvarta.“
Davíð Ingvarsson lagði upp bæði mörk Blika en Dóri var ánægður með hann í dag.
„Hrikalega ánægður með Davíð. Hann er kannski að spila aðeins ofar á vellinum en hann er vanur. Það er geggjað að fá Davíð aftur sem átti mjög góðan leik í dag.“
Dóri fékk spjald í seinni hálfleiknum þegar lítið var eftir fyrir að tala við sinn eigin leikmann.
„Hann var búinn að ákveða að spjalda mig, hann vildi helst gefa mér rautt. Hann gat ekki gefið mér rautt því ég var að tala við Viktor Örn. Hann eltir Helga Fróða upp, pressar á hann og vísar honum til baka. Helgi er að missa boltann og þá fer hann of aggresíft í hann og brýtur. Ef við hefðum unnið boltann værum við í frábærri stöðu. Þannig ég sagði Viktori ekki að brjóta og sýni eitthvað látbragð sem ég veit ekki hvort að hafi truflað okkar menn.“ sagði Halldór Árnason.
Viðtalið við Dóra má sjá í heild sinni í spilaranum hér að ofan.
