Ísland tók á móti Belgíu í kvöld á Laugardalsvelli í Þjóðardeild UEFA og tapaði 3-0.
Jan Vertonghen miðvörður Belgíu og Tottenham sagði liðið hafa spilað vel og sagðist vera þreyttur eftir tvo erfiða útileiki með landsliðinu.
Jan Vertonghen miðvörður Belgíu og Tottenham sagði liðið hafa spilað vel og sagðist vera þreyttur eftir tvo erfiða útileiki með landsliðinu.
Lestu um leikinn: Ísland 0 - 3 Belgía
„Ég er þreyttur eftir þennan leik, við erum búnir að spila tvo erfiða leiki á útivelli. Mér fannst við eiga góða kafla í þessum leik, við gáfum aðeins færi á okkur í fyrri hálfleik en mér fannst við spila seinni hálfleikinn af mikilli fagmennsku."
Vertonghen sagði að helsti styrkleiki Íslands væru föst leikatriði en sagði að liðið hefði náð að ráða vel við það og sagði sigurinn sanngjarnan.
„Mér fannst við verðskulda sigurinn, við vorum betra liðið, þeir voru hættulegir í föstum leikatriðum en mér fannst við eiga skilið 3-0 sigur þar sem við stjórnuðum leiknum frá A-Ö."
Að lokum sagði Vertonghen að það væri mjög sterkt að ná í 3 stig gegn Íslenska liðinu á útivelli.
„Það er erfitt að spila við Íslenska landsliðið, sérstaklega hér á útivelli en við náðum að spila vel hér í kvöld á erfiðum útivelli."
NÝTT INNKAST!
— Fotbolti.net (@Fotboltinet) September 11, 2018
TG9 fékk sér sæti undir stúku Laugardalsvallar og spjallaði um leikinn og landsliðið við @elvargeir og @maggimar - Áhugaverðar pælingar #Fotboltinet https://t.co/DGTEHkg0NA
Athugasemdir