Dyche bálreiður yfir því að Wood sé að fara til Newcastle

Chris Wood.

Mynd: EPA

Chris Wood.

Mynd: EPA

Newcastle United er að ganga frá kaupum á Chris Wood, sóknarmanni Burnley, Eddie Howe, stjóri Newcastle, hefur verið í leit að sóknarmanni eftir að Callum Wilson meiddist á kálfa og verður frá í átta vikur.

Samkvæmt fréttum er Wood með 25 milljóna punda riftunarákvæði í samningi sínum við Burnley og Newcastle hefur nýtt sér það. Wood er þrítugur Nýsjálendingur sem hefur skorað þrjú mörk í sautján deildarleikjum á tímabilinu.

Búst er við því að hann verði klár í slaginn með Newcastle í fallbaráttuslag gegn Watford á laugardag.

Burnley er í baráttu fyrir lífi sínu í ensku úrvalsdeildinni og berst þar meðal annars við Newcastle en liðinu eru jöfn að stigum í fallsætum. Daily Mail segir að Sean Dyche, stjóri Burnley, sé bálreiður yfir því að vera að missa Wood til keppinauta.

Það er ekki mikil breidd hjá Burnley og félagið er ekki með varakost á blaði. Þá er sögð óánægja innan félagsins með að Wood ætli að yfirgefa félagið við þessar aðstæður.

Wood verður annar leikmaðurinn sem Newcastle fær til sín eftir að Sádi-Arabarnir keyptu félagið. Kieran Trippier kom frá Atletico Madrid í síðustu viku.

Stöðutafla

#	Lið	L	mun	Stig
1	Arsenal	38	+44	85
2	Manchester City	38	+42	78
3	Manchester Utd	38	+19	71
4	Aston Villa	38	+7	65
5	Liverpool	38	+10	60
6	Bournemouth	38	+4	57
7	Sunderland	38	-6	54
8	Brighton	38	+6	53
9	Brentford	38	+3	53
10	Chelsea	38	+6	52
11	Fulham	38	-4	52
12	Newcastle	38	-2	49
13	Everton	38	-3	49
14	Leeds	38	-7	47
15	Crystal Palace	38	-10	45
16	Nott. Forest	38	-3	44
17	Tottenham	38	-9	41
18	West Ham	38	-19	39
19	Burnley	38	-37	22
20	Wolves	38	-41	20

Sean Dyche er ekki sáttur.

Mynd: Getty Images