Ólafur Kristjánsson.
,,Úrslitin eru svekkjandi en kannski ekki eins og leikurinn spilaðist. Keflavíkur liðið var einfaldlega ákafara, grimmara og sótti þennan sigur meira heldur en við," sagði Ólafur Kristjánsson þjálfari Breiðabliks eftir 2-0 tap liðsins gegn Keflavík í kvöld.
Breiðablik er eftir leikinn með einungis eitt stig eftir þrjár umferðir í Pepsi-deildinni.
,,Það var svekkjandi að fá ekkert hér í dag. Það var svekkjandi að tapa leiknum á móti KR. Við getum verið ánægðir með stigið gegn FH eins og leikurinn spilaðist."
,,Það er hægt að henda sér í það að vera gríðarlega svekktur og sjá ekki það sem við þurfum að gerast en vinnan hjá okkur er að laga þá hluti og standa saman í því. Þetta sumar verður griðarlega svekkjandi ef við förum ekki í þá vinnu strax."
Árni Vilhjálmsson var settur á bekkinn hjá Blikum í dag. ,,Mér fannst hann ekki hafa spilað þannig að hann eigi að vera í byrjunarliðinu. Aðrir komu inn og fengu sénsinn," sagði Ólafur.
Hér að ofan má sjá viðtalið í heild sinni.
Athugasemdir
