Kíktu á bak við tjöldin hjá heimsmeisturunum á Laugardalsvelli

Það fór ekki framhjá mörgum að heimsmeistararnir frá Frakklandi léku gegn íslenska landsliðinu í gærkvöldi. Frakkland sigraði leikinn, 0-1, með marki frá Olivier Giroud. Markið kom af vítapunktinum.

Franska knattspyrnusambandið birti í morgun 5 mínútna myndskeið á Twitter reikningi sínum þar sem kíkt er á bak við tjöldin í undirbúningi franska liðsins í gær. Þá er sýnt frá hálfleiksræðu Didier Deschamps og svo fagnaðarlætin eftir leik.

Ísland þarf að treysta á að Frakkland sigri Tyrkland í leik liðanna á mánudag til að eiga ennþá von á að enda í öðru sæti riðilsins.