Jóhann Berg kláraði gríðarlega vel eftir að hafa fengið boltann í teignum.

Íslenski landsliðsmaðurinn er núna búinn að skora í tveimur leikjum í röð en hann gerði einnig mark gegn Aston Villa í síðasta deildarleik. Þetta er í fyrsta sinn sem Jóhann Berg skorar í tveimur leikjum í röð í ensku úrvalsdeildinni, en áður en hann skoraði í síðasta leik hafði hann farið í gegnum 21 leik í deildinni án þess að skora mark.

Jóhann Berg er búinn að jafna sig af erfiðum meiðslum og er kominn á fulla ferð sem er mikið gleðiefni varðandi landsleikina þrjá í undankeppni HM í næsta mánuði.