KA vill spila á gervigrasi í sumar
KA hefur leikið bikarleiki á gervigrasi sínu undanfarin ár.
Mynd: Fótbolti.net - Sævar Geir Sigurjónsson
KA hefur leikið bikarleiki á gervigrasi sínu undanfarin ár.
Mynd: Fótbolti.net - Sævar Geir Sigurjónsson
KA vonast til að geta spilað heimaleiki sína í Pepsi Max deildinni á gervigrasvelli sínum við KA heimiliði í sumar. Þetta staðfesti Sævar Pétursson framkvæmdastjóri KA í samtali við Fótbolta.net.
KA sem hefur leikið undanfarna áratugi heimaleiki sína á Akureyrarvelli vilja nú flytja heimaleiki sína á gervigrasvöll sinn sem er staðsettur við KA-heimilið.
Til þess þarf að byggja stúku og fjölmiðlaaðstöðu svo þeir standist leyfiskerfi KSÍ.
„Við erum búnir að óska eftir því bæði við KSÍ og Akureyrarbæ að flytja aðstöðuna okkar upp á KA svæði. Það liggur fyrir beiðni bæði inni hjá stjórn KSÍ og Akureyrarbæjar að gera í rauninni bráðabirgða aðstöðu við gervigrasvöllinn, svo við fáum undanþágu í tvö ár," sagði Sævar.
„Vandamálið er að okkur vantar stúku við gervigrasið en það liggur fyrir hjá bænum um að taka ákvörðun í næstu viku um það hvort menn séu tilbúnir að reisa bráðabirgða stúku sem mannar 6-700 manns sem væri þá stúka sem væri ekkert ósvipuð stúkunni hjá Haukum á Ásvöllum."
Sævar vonast til að þetta skýrist allt á næstu dögum. Ef af verður, þá verða sjö lið í Pepsi Max deildinni sem spila á gervigrasi næsta sumar.
Til þess þarf að byggja stúku og fjölmiðlaaðstöðu svo þeir standist leyfiskerfi KSÍ.
„Við erum búnir að óska eftir því bæði við KSÍ og Akureyrarbæ að flytja aðstöðuna okkar upp á KA svæði. Það liggur fyrir beiðni bæði inni hjá stjórn KSÍ og Akureyrarbæjar að gera í rauninni bráðabirgða aðstöðu við gervigrasvöllinn, svo við fáum undanþágu í tvö ár," sagði Sævar.
„Vandamálið er að okkur vantar stúku við gervigrasið en það liggur fyrir hjá bænum um að taka ákvörðun í næstu viku um það hvort menn séu tilbúnir að reisa bráðabirgða stúku sem mannar 6-700 manns sem væri þá stúka sem væri ekkert ósvipuð stúkunni hjá Haukum á Ásvöllum."
Sævar vonast til að þetta skýrist allt á næstu dögum. Ef af verður, þá verða sjö lið í Pepsi Max deildinni sem spila á gervigrasi næsta sumar.
Stúkan á Ásvöllum.
Mynd: Fótbolti.net - Ómar Vilhelmsson
