Leikmaðurinn var með fleiri tilboð á borðinu og kaus að lokum að skipta yfir til Aston Villa, þar sem hann fær fimm ára samning.

Philogene er 22 ára og leikur sem vinstri kantmaður að upplagi en getur einnig leikið hægra megin. Hann þekkir vel til hjá Aston Villa eftir að hafa verið hjá félaginu frá 2018 til 2023 en var svo seldur til Hull City í fyrrasumar.

Hann átti frábært tímabil með Hull þar sem hann skoraði 12 mörk og gaf 6 stoðsendingar í 32 deildarleikjum.

Philogene er leikmaður U21 landsliðs Englands og hefur skorað þrjú mörk í fjórum landsleikjum.

Aston Villa borgar um 13 milljónir punda fyrir kantmanninn unga.