Árni Snær Ólafsson, markvörður ÍA, sleit hásin í leik ÍA og FH í gærkvöldi. Komið var fram á 5. mínútu í uppbótartíma þegar Árni sleit hásinina og þurfti að yfirgefa völlinn.
ÍA var búið með skiptingarnar og fór útileikmaðurinn Þórður Þorsteinn Þórðarson í markið. Dino Hodzic mun væntanlega verja mark ÍA í næsta deildarleik.
ÍA var búið með skiptingarnar og fór útileikmaðurinn Þórður Þorsteinn Þórðarson í markið. Dino Hodzic mun væntanlega verja mark ÍA í næsta deildarleik.
„Það er verið að reyna redda aðgerð en ekkert vitað hvenær hún verður, vonandi sem fyrst," sagði Árni þegar Fótbolti.net heyrði í honum í morgun. Árni sagðist hafa séð myndband af atvikinu í leiknum í gær.
„Já, ég sá þetta en þetta sást samt ekki gerast. Þetta gerðist þegar ég var úr mynd. Ég var að stíga niður með vinstri löppina og það var ekkert í gangi."
Var þetta eins og menn hafa sagt, fannst þér eins og einhver hefði sparkað í þig?
„Já, ég hélt að einhver hefði stigið á hælinn á mér," sagði Árni.
Árni verður frá út tímabilið vegna meiðslanna, almennt er talað um að lágmarki hálft ár í bataferli eftir hásinaslit.
Athugasemdir
