Gunnar Þorsteinsson í leik með Grindavík.
„Þetta var örugglega ekki skemmtilegasti leikurinn fyrir áhorfendur en stuðningsmennirnir okkar koma bara til að sjá okkur taka stig," sagði Gunnar Þorsteinsson, fyrirliði Grindavíkur, eftir 1-0 útisigur á Fjölni í Pepsi-deild karla í kvöld.
Lestu um leikinn: Fjölnir 0 - 1 Grindavík
Sigurmark Grindvíkinga kom á 84. mínútu og það miðjumaðurinn Sam Hewson sem gerði það.
„Fjölnismenn voru mjög vel skipulagðir og voru búnir að skoða okkur vel. Þeir lokuðu helstu sendingaleiðum okkar. Við vorum stálheppnir tvisvar að fá ekki á okkar mark."
„Heppnin er að einhverju leyti búin að vera í liði með okkur en svo má líka velta því fyrir sér hvort við séum að hlaupa betur í gegnum leikina en andstæðingurinn. Þetta er barátta upp á líf og dauða."
Grindavík missti Andra Rúnar Bjarnason í vetur. Grindvíkingar eru ekki að skora mikið en þeir eru ekki heldur að fá mörg mörk á sig.
„1-0 sigrar telja jafnmikið. Við töluðum um það fyrir mót að fækka miðjum sem við þurfum að taka. Það hefur gengið mjög vel hingað til og ef við höldum þessum takti áfram erum við í fínum málum."
Viðtalið er í heild sinni hér að ofan.
Athugasemdir
