Sóknarmaðurinn Óttar Magnús Karlsson er líklega á förum frá Víkingi Reykjavík en ítalska B-deildarfélagið Venezia í Feneyjum er meðal félaga sem vilja fá hann í sínar raðir samkvæmt heimildum Fótbolta.net.
Talið er líklegt að Venezia nái að klófesta þennan 23 ára sóknarleikmann sem hefur verið algjör burðarás hjá Víkingum á tímabilinu.
Óttar yrði þá annar Íslendingurinn í herbúðum Venezia en ekki er langt síðan félagið fékk Bjarka Stein Bjarkason frá ÍA.
Talið er líklegt að Venezia nái að klófesta þennan 23 ára sóknarleikmann sem hefur verið algjör burðarás hjá Víkingum á tímabilinu.
Óttar yrði þá annar Íslendingurinn í herbúðum Venezia en ekki er langt síðan félagið fékk Bjarka Stein Bjarkason frá ÍA.
Óttar var í yngri flokkum Víkings áður en hann fór ungur til Ajax í Hollandi. Hann spilaði með Víkingi sumarið 2016 áður en hann fór til Molde í Noregi og síðan Trelleborgs og Mjallby í Svíþjóð. Hann gekk síðan aftur til liðs við Víking um mitt sumar í fyrra.
„Það hafa tilboð borist. Það er bara tímaspursmál hvenær Óttar fer. Hann á það skilið strákurinn. Hann hefur staðið sig vel fyrir okkur og þetta er óhjákvæmilegt," sagði Arnar Gunnlaugsson, þjálfari Víkings, í viðtali í gærkvöldi.
Athugasemdir