Hákon Rafn Valdimarsson hefur verið valinn sem besti markvörður tímabilsins í efstu deild sænska boltans þrátt fyrir að Elfsborg hafi tapað slaginum um Svíþjóðarmeistaratitilinn eftir 1-0 tap á útivelli gegn Malmö í lokaumferðinni.
Hákon Rafn var aðalmarkvörður Elfsborg á tímabilinu og fékk liðið aðeins 26 mörk á sig í 30 leikjum. Ekkert lið fékk færri mörk á sig.
Hákon er ekki nema 22 ára gamall og hefur spilað 4 A-landsleiki fyrir Ísland. Hann var aðalmarkvörður Gróttu í nokkur ár og fór með félaginu úr 2. deild og upp í efstu deild áður en hann var fenginn í sænska boltann.
Hákon spilaði alla deildarleiki Elfsborg á nýliðnu tímabili nema einn, þegar hann var í leikbanni eftir að hafa fengið rautt spjald. Elfsborg tapaði 0-3 án Hákons í markinu.
Hákon fékk rautt spjald í fyrri hálfleik í 1-0 tapi gegn Värnamo og fékk hann því í heildina 23 mörk á sig í 28 deildarleikjum og 29 mínútum.
???? @IFElfsborg1904:s Hakon Valdimarsson är Årets Målvakt i Allsvenskan. pic.twitter.com/jVWXCui9Zn
— Allsvenskan (@AllsvenskanSE) November 14, 2023
Athugasemdir
