Það eru tveir spennandi leikir á dagskrá í ensku úrvalsdeildinni í kvöld þar sem Chelsea og Newcastle eiga erfiða útileiki.
Liðin eru jöfn á stigum í sjötta og sjöunda sæti deildarinnar, en sjötta sætið gefur öruggan þátttökurétt annað hvort í Evrópudeildinni eða Sambandsdeildinni, á meðan sjöunda sætið getur í besta falli veitt þátttökurétt í Sambandsdeildinni.
Chelsea og Newcastle eru því í harðri baráttu um sjötta sætið, en Manchester United getur blandað sér í þá baráttu með sigri á heimavelli í kvöld.
Meiðslahrjáð lið Rauðu djöflanna fær Newcastle í heimsókn á Old Trafford og er hægt að búast við gríðarlega spennandi slag, en þrjú stig skilja liðin að á stöðutöflunni. Man Utd er með talsvert verri markatölu og þarf því einnig sigur og hagstæð úrslit í lokaumferðinni til að komast í Evrópu - nema að liðinu takist að sigra úrslitaleik FA bikarsins gegn nágrönnum sínum í Manchester City og komast þannig bakdyramegin í Evrópudeildina.
Chelsea heimsækir hins vegar Brighton, sem siglir lygnan sjó um miðja deild en býr yfir skemmtilegu liði sem getur skapað vandræði fyrir lærisveina Mauricio Pochettino.
Leikir kvöldsins:
18:45 Brighton - Chelsea
19:00 Man Utd - Newcastle
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 4 | 4 | 0 | 0 | 9 | 4 | +5 | 12 |
| 2 | Arsenal | 4 | 3 | 0 | 1 | 9 | 1 | +8 | 9 |
| 3 | Tottenham | 4 | 3 | 0 | 1 | 8 | 1 | +7 | 9 |
| 4 | Bournemouth | 4 | 3 | 0 | 1 | 6 | 5 | +1 | 9 |
| 5 | Chelsea | 4 | 2 | 2 | 0 | 9 | 3 | +6 | 8 |
| 6 | Everton | 4 | 2 | 1 | 1 | 5 | 3 | +2 | 7 |
| 7 | Sunderland | 4 | 2 | 1 | 1 | 5 | 3 | +2 | 7 |
| 8 | Man City | 4 | 2 | 0 | 2 | 8 | 4 | +4 | 6 |
| 9 | Crystal Palace | 4 | 1 | 3 | 0 | 4 | 1 | +3 | 6 |
| 10 | Newcastle | 4 | 1 | 2 | 1 | 3 | 3 | 0 | 5 |
| 11 | Fulham | 4 | 1 | 2 | 1 | 3 | 4 | -1 | 5 |
| 12 | Brentford | 4 | 1 | 1 | 2 | 5 | 7 | -2 | 4 |
| 13 | Brighton | 4 | 1 | 1 | 2 | 4 | 6 | -2 | 4 |
| 14 | Man Utd | 4 | 1 | 1 | 2 | 4 | 7 | -3 | 4 |
| 15 | Nott. Forest | 4 | 1 | 1 | 2 | 4 | 8 | -4 | 4 |
| 16 | Leeds | 4 | 1 | 1 | 2 | 1 | 6 | -5 | 4 |
| 17 | Burnley | 4 | 1 | 0 | 3 | 4 | 7 | -3 | 3 |
| 18 | West Ham | 4 | 1 | 0 | 3 | 4 | 11 | -7 | 3 |
| 19 | Aston Villa | 4 | 0 | 2 | 2 | 0 | 4 | -4 | 2 |
| 20 | Wolves | 4 | 0 | 0 | 4 | 2 | 9 | -7 | 0 |
Athugasemdir
