Real Madrid 5 - 2 Celta
1-0 Kylian Mbappe ('37 )
2-0 Vinicius Junior ('48 )
2-1 Jonathan Bamba ('83 )
2-2 Marcos Alonso ('90 , víti)
3-2 Endrick ('108 )
4-2 Federico Valverde ('112 )
5-2 Endrick ('119 )
Real Madrid var síðasta liðið til að tryggja sér sæti í átta liða úrslitum spænska konungsbikarsins eftir sigur á Celta Vigo í framlengdum leik í kvöld.
Kylian Mbappe kom Real yfiir og Vinicius Junior bætti öðru markinu við eftir undirbúning Mbappe.
Jonathan Bamba minnkaði muninn þegar skammt var til loka venjulegs leiktíma eftir slæm mistök hjá Eduardo Camavinga. Í uppbótatíma fékk Celta vítaspyrnu sem Marcos Alonso skoraði úr að miklu öryggi.
Því þurfti að grípa til framlengingar en þar tryggði Endrick Real Madrid sigurinn. Hann kom liðinu yfir og Federico Valverde bætti öðru markinu við með skoti fyrir utan vítateiginn áður en Endrick innsiglaði sigurinn.
