Spænski varnarjaxlinn Sergio Ramos er án félags eftir að honum mistókst að semja við Sevilla um nýjan samning.
Ramos er 38 ára gamall og skoraði 7 mörk í 37 leikjum með Sevilla á nýliðnu tímabili.
Ramos ólst upp hjá Sevilla og skipti yfir til Real Madrid snemma á ferlinum, en hann átti svo eftir að leika 671 keppnisleik fyrir félagið á mögnuðum ferli.
Ramos er goðsögn í fótboltaheiminum og verður spennandi að fylgjast með næsta skrefi á hans ferli, þar sem það er augljóslega eitthvað eftir á tankinum. Hann hefur verið orðaður við félagaskipti til Sádi-Arabíu og Bandaríkjanna en það er aldrei að vita hvað framtíði ber í skauti sér.
?? @SergioRamos no seguirá en el #SevillaFC. #WeareSevilla
— Sevilla Fútbol Club (@SevillaFC) June 17, 2024
Athugasemdir