Dalvík/Reynir vann stórsigur á ÍH er liðin mættust í 3. deild karla þennan sunnudaginn.

Þröstur Mikael Jónasson, sem er á láni hjá Dalvík/Reyni frá Grindavík, var í miklu stuði og hann skoraði þrennu. Hann fullkomnaði þrennuna í byrjun seinni hálfleiks.

Kristinn Þór Rósbergsson kom Dalvík/Reyni svo í 4-0 snemma í seinni hálfleik áður en Númi Kárason gerði fimmta markið. Áður en fimmta markið kom var Jón Már Ferro, leikmaður ÍH, sendur í sturtu.

Arnar Sigþórsson klóraði í bakkann fyrir ÍH undir lokin þegar hann skoraði af vítapunktinum.

Lokatölur 5-1 og er Dalvík/Reynir núna í sjöunda sæti með 17 stig. ÍH er í tíunda sæti með 11 stig, einu stigi frá fallsæti. Þetta var síðasti leikurinn í 12. umferð deildarinnar.