Davíð Smári Lamude.
Í hádeginu var haldinn kynningarfundur fyrir bikarúrslitaleik karla, leik Vals og Vestra sem fram fer á föstudagskvöld á Laugardalsvelli. Fótbolti.net ræddi við þjálfara og fyrirliða liðanna.
Í upphafi viðtalsins við Davíð Smára Lamude, þjálfara Vestra, var þó rætt um stórt atvik í leiknum gegn Stjörnunni í Bestu deildinni í gær. Vestri skoraði þá jöfnunarmark sem síðan var dæmt af vegna rangstöðu.
Davíð og hans menn voru alls ekki sáttir og miðað við þær upptökur sem hafa birst virðist líklega um dómaramistök að ræða.
Í upphafi viðtalsins við Davíð Smára Lamude, þjálfara Vestra, var þó rætt um stórt atvik í leiknum gegn Stjörnunni í Bestu deildinni í gær. Vestri skoraði þá jöfnunarmark sem síðan var dæmt af vegna rangstöðu.
Davíð og hans menn voru alls ekki sáttir og miðað við þær upptökur sem hafa birst virðist líklega um dómaramistök að ræða.
„Ég get með engu móti séð hvernig hann fær út að þetta er rangstaða. Vinstri bakvörður Stjörnunnar situr eftir og miðað við þær myndir og myndbönd sem ég hef séð þá get ég ekki séð að Túfa sé rangstæður. Ég get heldur ekki séð hvernig hann á að hafa áhrif á Árna á markinu, hann er á leiðinni vinstra megin við markvörðinn og Árni hægra megin," segir Davíð eftir að hafa skoðað atvikið gaumgæfilega.
„Það er gríðarlega svekkjandi að búið sé að taka af okkur þrjú mörk í sumar sem hefðu klárað okkur fleiri stigum. Það er auðvitað svekkjandi. Gamla tuggan var að sóknarmaðurinn ætti að njóta vafans, það er ekki komið VAR í íslenska boltann en það virðist þó hafa dáið að sóknarmaðurinn eigi að njóta vafans." Gegn Aftureldingu var líka tekið af okkur mark þar sem ofboðslega erfitt er að sjá að það hafi verið rangstaða. Þetta er bara dýrt.
Þó Vestri hafi ekki fengið stig út úr leiknum ætlar Davíð að horfa á það jákvæða.
„Við stóðum okkur vel í þessum leik. Þetta var ekki auðvelt verkefni og mér fannst liðið leggja allt í þetta."
Davíð Smári
Athugasemdir
