„Það var tíu mínútna kafli í seinni hálfleik þar sem HK fékk 5-6 hornspyrnur en annars var getumunurinn á liðunum öll stigin og öll mörkin sem eru á milli þessara liða í deildinni. Það eru nokkur stig sem við Víkingar grátum og meðal annars þessi tvö stig sem við skildum eftir upp í Fjallakór [í fyrri leik þessara liða], ég skil ekki ennþá hvernig það gerðist. Það er himinn og haf á milli þessara liða," sagði Tómas um leik HK og Víkings.

Næstu mínútur fóru í að ræða um Víking en talið snerist svo aftur að HK.

„En HK... þetta er rosalegt. Á ég að gefa ykkur smá tölfræði um HK? Þeir eru í 10. sæti með 17 stig, búnir að skora 20 mörk og fá á sig 36."

„Þeir eru með xG (expected goals) upp á 30,9. Þeir eru með -9,2 í xGA (expected goals against, áætluð mörk á sig), ættu samkvæmt tölfræðinni að hafa fengið á sig tæplega 27 mörk." Það þýðir að þeir ættu bara að vera búnir að fá á sig 26,8 mörk.

„Þeir eru með xG markamun upp á +20,1 mark sem er vont. Þá vantar í xP (expected points, áætluð stig) 12,7 stig. Í 'ef og hefði deildinni' eru þeir með 29,7 stig," sagði Tómas.

„Með öðrum orðum þá er betra að nýta færin sín og betra að verja fótbotlaskot," sagði Elvar.

„Þeir geta ekki skorað og þeir geta ekki varist, þess vegna eru þeir að fara falla," sagði Tómas sem var búinn að setja upp sviðsmynd varðandi lokaumferðirnar tvær.

Sviðsmynd Tómasar:
21. umferð:
HK 1 - 1 Stjarnan
ÍA 2 - 0 Fylkir
Leiknir 0 - 0 Keflavík

Staðan: Keflavík (19 stig), HK (18 stig), ÍA (18) og Fylkir (16).

22. umferð:
Keflavík 0 - 0 ÍA
HK tapar gegn Breiðabliki
Fylkir 1 - 2 Valur

Lokastaðan: Keflavík (20), ÍA (19), HK (18) og Fylkir (16). „HK og Fylkir fara niður samkvæmt þessum útreikningum," sagði Tómas.

21. umferðin í Pepsi Max:
sunnudagur 19. september
14:00 Leiknir R.-Keflavík (Domusnovavöllurinn)
14:00 ÍA-Fylkir (Norðurálsvöllurinn)
16:15 KR-Víkingur R. (Meistaravellir)
16:15 FH-Breiðablik (Kaplakrikavöllur)
18:30 Valur-KA (Origo völlurinn)

mánudagur 20. september
19:15 HK-Stjarnan (Kórinn)