Fótbolti.net

Örvar Eggerts: Gott að spila illa og vinna

Jökull: Ætlum okkur meira - Erum ekki að horfa í fjórða eða þriðja sætið

Óskar hefur engar áhyggjur: „Annað liðið skokkaði tvisvar upp í hornspyrnur og skoraði“

Kjartan Kári: Lengi á æfingavellinum að taka aukaspyrnur

Láki: Fullt af hlutum sem við vorum ósáttir við dómgæsluna

Heimir Guðjóns: Kjartan Kári bjargaði okkur

Birgir Baldvins: Þetta er mitt mark!

Haddi: Það er gott jafnvægi í hópnum

Rúnar Kristins: Við erum í fallbaráttu og menn verða að gera sér grein fyrir því

Átti sinn besta leik til þessa gegn gömlu félögunum - „Ótrúleg stemning"

Njarðvíkingar féllu á prófinu - „Eitthvað sem hann þarf að læra"

Magnaður dagur í Þorpinu - „Tímamótadæmi að fá svona stuðning"

Alli Jó: Algjörlega á okkur að ná í úrslit og vinna fótboltaleiki

Halli: Þetta gæti endað á að snúast um markatölu

Jón Daði: Er með háa standarda á sjálfum mér

Jóhann Birnir: 1-0 er hættuleg forysta

Bjarni Jó: Handónýtur fyrri hálfleikur

Gústi Gylfa: Náðum ekki alveg að spila okkar leik

„Hvernig færi viltu fá ef þú skorar ekki úr þessum?“

Hemmi: Tiltölulega slakur í stúkunni og naut þess að horfa á frábæran fótbolta

mið 19. febrúar 2025 15:40

Elvar Geir Magnússon

Sölvi Geir: Besta og dýrasta afmælisgjöf sem ég hef fengið

Sölvi Geir Ottesen, þjálfari Víkinga.

Mynd: Fótbolti.net - Hafliði Breiðfjörð

Gylfi Þór Sigurðsson gekk í raðir Víkinga í gær.

Mynd: Fótbolti.net - Hafliði Breiðfjörð

„Þetta var sennilega besta og dýrasta afmælisgjöf sem ég hef fengið," sagði Sölvi Geir Ottesen léttur er hann ræddi við Fótbolta.net í Aþenu í dag. Var hann þá að ræða um Gylfa Þór Sigurðsson sem var keyptur til Víkings frá Val í gær.

„Ég er virkilega sáttur að þetta sé komið í gegn og að Gylfi sé okkar leikmaður er frábær viðbót við góðan hóp. Ég veit hversu öflugur hann er á æfingum og í hóp. Mér finnst hann passa vel inn í Víkingskúltúrinn og hann mun gera leikmenn betri."

Sölvi er mjög spenntur fyrir því að sjá Gylfa í Víkingstreyjunni. „Ég held að margir Víkingar séu spenntir að sjá hann í röndóttu treyjunni. Þetta er mjög spennandi og mikið gleðiefni fyrir fólk að sjá hann í treyjunni."

Staðan góð fyrir leikinn á morgun
Víkingar leika á morgun seinni leik sinn gegn Panathinaikos í umspili Sambandsdeildarinnar. Víkingar eru með 2-1 forskot eftir fyrri leikinn sem fór fram í Helsinki.

Sölvi segir stöðuna góða á hópnum fyrir seinni leikinn.

„Það eru allir klárir nema Róbert og Atli sem eru heima," sagði Sölvi. „Svo er Pablo að skríða til baka. Hann er búinn að vera með á sendingaræfingum og er að koma sér í meiri fótbolta sem er frábært fyrir hann."

„Gunnar Vatnhamar er búinn að æfa vel. Það vantar aðeins upp á leikformið hjá honum. Niko og Kalli eru komnir til baka og þeir ættu að vera klárir sem duttu út úr leiknum síðast, Oliver (Ekroth) og Aron (Elís Þrándarson)."

Fáum við að sjá svipaða hugmyndafræði og í fyrri leiknum?

„Já, ég hugsa það. Ég hugsa að leikmyndin verði mjög svipuð og í fyrri leiknum. Við þurfum að standa saman og vera þéttir þegar við verjumst og nýta tækifærin þegar við fáum boltann. Við þurfum líka að halda áfram að vera sterkir í föstum leikatriðum," sagði Sölvi en leikurinn á morgun hefst klukkan 20:00 að íslenskum tíma.