Þorlákur Breki Baxter er genginn í raðir ÍBV á láni frá Stjörnunni en þetta kemur fram á vef KSÍ.
Breki er 19 ára gamall og verið á mála hjá Stjörnunni síðasta árið eða síðan hann rifti við ítalska félagið Lecce.
Stjörnumenn sömdu við Breka til þriggja ára og lánuðu hann síðan í Selfoss þar sem hann hóf meistaraflokksferil sinn.
Hann gerði vel með Selfyssingum er liðið vann 2. deild en hann skoraði fimm mörk og var tilnefndur í lið ársins hér á Fótbolta.net.
Breki snéri aftur í Stjörnuna í síðari hluta tímabilsins og spilaði þrjá leiki.
Í dag voru félagaskipti hans í ÍBV staðfest en hann verður á láni hjá félaginu á komandi tímabili og mun því halda áfram að spila í Bestu deildinni.
„Ég hef fylgst vel með framgangi Breka undanfarin ár, bæði með Selfossi og yngri landsliðum Íslands og var því mjög einbeittur á að fá hann til okkar þegar okkur bauðst hann á lán, Breki er áræðinn og beinskeyttur sóknarmaður með mikinn vilja til þess að bæta sig sem leikmaður," segir Þorlákur Árnason sem er þjálfari ÍBV.
Eyjamenn unnu Lengjudeildina á síðasta tímabili eftir spennandi lokakafla.
Athugasemdir
