Sér ekki eftir því að hafa ýjað að því að dómararnir væru trúðar

Dean Smith var ekki sáttur við Jonathan Moss og hans teymi.

Mynd: Getty Images

Dean Smith var ekki sáttur við Jonathan Moss og hans teymi.

Mynd: Getty Images

Dean Smith, stjóri Aston Villa, fékk að líta rauða spjaldið í leiknum gegn Manchester City í vikunni. Smith var allt annað en sáttur við að fyrra mark City í leiknum hafi verið látið standa.

Rodri, miðjumaður City, kom úr rangstöðu til að vinna boltann af Tyrone Mings og sendi á Bernardo Silva sem skoraði.

Jonathan Moss og aðstoðarmenn hans töldu að Rodri væri ekki rangstæður því nýtt atriði hafi hafist í leiknum þegar Mings sparkaði í knöttinn.

„Þetta eru óskýrar reglur sem ég held að enginn hafi verið meðvitaðir um á þessum tímapunkti. Það er mismunandi túlkun á reglunum og ef þeim verður ekki breytt held ég að allir geri sér grein fyrir því hvar þetta gæti endað," segir Smith.

Eftir að markið var látið standa spurði Smith dómarann hvort hann hafi fengið 'djögl bolta' í jólagjöf og fékk í kjölfarið rautt spjald. Hann var með öðrum orðum að kalla dómarana trúða.

Hann hefur verið ákærður af enska knattspyrnusambandinu og segist sætta sig við þá ákæru en þó með trega.

„Ég meðtek þessa ákæru en með trega. Ég sé ekki eftir því að hafa spurt dómarann hvort hann hafi fengið 'djögl bolta' í jólagjöf og tel að þau ummæli hafi ekki verið særandi," segir Smith.

Aston Villa á leik í ensku úrvalsdeildinni annað kvöld, gegn Newcastle. Leikurinn verður klukkan 20:00.

Premier league - karlar

#	Lið	L	mun	Stig
1	Arsenal	10	+10	27
2	Brighton	10	+19	22
3	Man City	10	+8	21
4	Liverpool	10	+4	18
5	Chelsea	10	+3	16
6	Everton	10	+2	16
7	Bournemouth	10	+2	15
8	Brentford	10	+5	14
9	Leeds	10	+2	14
10	Aston Villa	10	-3	13
11	Tottenham	10	-1	12
12	Newcastle	10	-3	12
13	Hull City	10	0	11
14	Ipswich Town	10	-5	11
15	Fulham	10	-2	10
16	Nott. Forest	10	-4	9
17	Coventry	10	-9	9
18	Man Utd	10	-5	8
19	Sunderland	10	-9	8
20	Crystal Palace	10	-14	7