Fabio Vieira
Portúgalski miðjumaðurinn Fabio Vieira var keyptur til Arsenal frá Porto á dögunum fyrir 34 milljónir punda en launakostnaðurinn er ekki beint í samræmi við upphæðina sem félagið borgaði fyrir hann.
Vieira, sem er 22 ára gamall, hefur þótt einhver hæfileikaríkasti leikmaður Portúgals síðustu ár en hann var valinn besti leikmaðurinn á Evrópumóti U21 árs landsliða á síðasta ári.
Arsenal gekk frá kaupum á leikmanninum á dögunum en laun hans vekja mikla athygli á samfélagsmiðlum í kvöld.
Hann er með 25 þúsund pund á viku eftir skatt og er launalægstur í hópnum.
Íslenski landsliðsmarkvörðurinn Rúnar Alex Rúnarsson er með hærri laun og þénar 40 þúsund pund á viku eða 2 milljónir punda í árslaun. Rúnar er einnig með hærri laun en Bukayo Saka og Nuno Tavares.
Ganamaðurinn, Thomas Partey, er launahæstur með 200 þúsund pund en Nicolas Pepe kemur á eftir honum með 140 þúsund pund. Listann má sjá í heild sinni hér fyrir neðan.
Arsenal current squad wage bill. 💰 pic.twitter.com/9cmyQGJvNv
— TheAFCnewsroom (@TheAFCnewsroom) June 22, 2022
Athugasemdir
