Það var leikið í 3. deildinni norður í Grenivík í dag þegar Magnamenn fengu FC Árbæ í heimsókn.
Magni 1 - 1 Árbær
0-1 Hörður Kárason ('90 )
1-1 Tómas Örn Arnarson ('90 )
Staðan var 0-0 í hálfleik og allt stefndi í að við myndum fá markalaust jafntefli en það átti eftir að draga til tíðinda undir lok leiks.
Hörður Kárason kom FC Árbæ yfir á 90. mínútu og gestirnir fögnuðu vel og innilega, væntanlega í þeirri trú að þetta hafi verið sigurmarkið. Það var hins vegar ekki sagan.
Magnamenn jöfnuðu leikinn í uppbótartíma með marki frá Tómasi Erni Arnarsyni. Lokatölur 1-1 jafntefli eftir hreint út sagt magnaðar lokamínútur norður í Grenivík.
Liðin eru jöfn að stigum í 4.- og 5. sæti. FC Árbær eru hins vegar með aðeins betri markatölu en Magni.
Athugasemdir
