Kristinn Steindórsson skoraði bæði mörk fyrri hálfleiksins í þægilegum sigri Breiðabliks á útivelli gegn Gróttu á Seltjarnarnesi í kvöld.

Blikar leiddu því 0-2 í leikhlé og innsigluðu sigurinn á stuttum kafla í siðari hálfleik. Þar skoruðu Dagur Örn Fjeldsted, Damir Muminovic og Arnór Gauti Jónsson þrjú mörk á ellefu mínútna kafla.

Lokatölur urðu því 0-5 fyrir Blika sem eru með sex stig eftir þrjár fyrstu umferðirnar í Lengjubikarnum, á meðan Grótta er án stiga.

Blikar töpuðu gegn FH í fyrstu umferð en unnu svo þægilegan sigur á Grindavík í næsta leik.