Victor Wanyama, leikmaður Montreal Impact í MLS-deildinni, hefur sagt frá því að Sadio Mane hafi liðið eins og að liðsfélagar sínir í Southampton hafi ekki viljað senda boltann á sig.

Mane og Wanyama léku saman í Southampton frá 2014 til 2016 og stóðu þeir sig vel þar. Mane fékk í kjölfarið félagaskipti til Liverpool og Wanyama til Tottenham.

Í viðtali Madgoat TV segir Wanyama frá því að Mane hafi ekki allt verið sáttur með liðsfélagana hjá dýrlingunum.

„Við vorum eins og fjölskylda og með einn föður, (Mauricio) Pochettino. Ég og Mane sköpuðum mikil og góð tengsl, en (Morgan) Schneiderlin var einnig góður vinur," sagði Wanyama.

„Mane kom á einum tímapunkti til mín og sagði: 'Þessir gaurar vilja ekki senda boltann á mig, getum við spilað nær hvor öðrum? Þeir vilja ekki að ég skori'. Ég samþykkti það og í hvert skipti sem ég fékk boltann þá reyndi ég að finna sendinguna á hann. Ég vildi koma vel fram við hann því hann var mjög vingjarnlegur náungi."

Hjá Liverpool hefur Mane sannað sig sem einn besti leikmaður í heiminum.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit