Kom inn á gegn KR í sumar.
Valsarinn Mattías Kjeld er þessa dagana í heimsókn hjá norska liðinu Brann þar sem hann er á reynslu. Þetta kemur fram á Bergens Tidende.
Mattías er fæddur árið 2009 og er nýorðinn 16 ára. Hann er enn gjaldgengur í 3. flokk.
Hann er sóknarsinnaður miðjumaður, unlingalandsliðsmaður sem á að baki sex leiki fyrir unglingalandsliðin og hefur í þeim skorað þrjú mörk, síðustu þrjá með U17 í ágúst.
Mattías er fæddur árið 2009 og er nýorðinn 16 ára. Hann er enn gjaldgengur í 3. flokk.
Hann er sóknarsinnaður miðjumaður, unlingalandsliðsmaður sem á að baki sex leiki fyrir unglingalandsliðin og hefur í þeim skorað þrjú mörk, síðustu þrjá með U17 í ágúst.
Hann hefur komið við sögu í tveimur leikjum með meistaraflokki Vals í sumar; kom inn á í stórsigrinum gegn KR á Hlíðarenda og í seinni leiknum geng Zalgiris í 2. umferð forkeppninnar í Sambandsdeildinni.
Hann er ekki samningsbundinn Val en ef Brann vill fá hann í sínar raðir yrði félagið að semja við Val um uppeldisbætur.
Mattías hefur áður farið á reynslu til Club Brugge, Hoffenheim og Borussia Mönchengladbach.
Freyr Alexandersson, sem var á sínum tíma aðstoðarþjálfari Vals og aðalþjálfari kvennaliðsins, er þjálfari aðalliðs Brann og þar spila Sævar Atli Magnússon og Eggert Aron Guðmundsson. Fyrr í þessari viku var fjallað um reynsluför Einars Freys Halldórssonar til félagsins en hann er leikmaður Þórs.
Mattías Kjeld (2009) Valur - er á leiðinni á reynslu hjá þýska stórliðinu Borussia Mönchengladbach í byrjun september.
— Orri Rafn Sigurdarson (@OrriRafn) August 30, 2025
Hann hefur áður farið á reynslu hjá liðum eins og Hoffenheim og Club Brugge en fjölmörg lið hafa augastað á leikmanninum. pic.twitter.com/elD5O9LVKf
Athugasemdir
