Byrjunarlið Tottenham gegn Wolfsberger: Bale á bekknum

Klukkan 17:00 verður flautað til leiks í London þar sem Tottenham leikur seinni leik sinn gegn austurríska liðinu Wolfsberger í 32-liða úrslitum Evrópudeildarinnar.

Jose Mourinho og lærisveinar eru með öll spil á hendi eftir 4-1 sigur í fyrri leiknum.

Gareth Bale skoraði og lagði upp í fyrri leiknum og hann er meðal varamanna í dag. Velski landsliðsmaðurinn hefur spilað alla sjö Evrópuleiki Spurs á tímabilinu.

Nile John, sautján ára sóknarmiðjumaður, gæti spilað sinn fyrsta aðalliðsleik fyrir Tottenham en hann er einnig á meðal varamanna.