Jóhann var síðast yfirþjálfari yngri flokka hjá Keflavík áður en hann lét nýverið af störfum.

Elvar Geir Magnússon og Tómas Þór Þórðarson ræddu það í útvarpsþættinum Fótbolta.net síðustu helgi að hann gæti tekið við sem yfirmaður knattspyrnumála hjá FH.

FH hefur nú staðfest að hann hefur verið ráðinn til starfa og verður hann afreksþjálfari félagsins. Jóhann verður því í afreksteyminu og mun vinna einstaklingsmiðað með afreksmönnum FH ásamt öðrum þjálfurum félagsins.

Jóhann var afreksmaður sjálfur og spilaði meðal annars með Watford, Lyn, GAIS og Örgryte í atvinnumennsku áður en hann kom heim og kláraði ferilinn með Keflavík árið 2017.