25.11.24 - 19:48
Jóhann Þór Hólmgrímsson
Vicario meiddist gegn Man City og fór í aðgerð
Mynd: EPA
Mynd: EPA
Guglielmo Vicario er ökklabrotinn en Tottenham staðfesti að hann hafi farið í aðgerð í dag.
Þessi 28 ára gamli markvörður meiddist í fyrri hálfleik í frábærum 4-0 sigri liðsins gegn Man City um helgina en hann kláraði leikinn.
„Við staðfestum að Guglielmo Vicario hefur gengist undir aðgerð á hægri ökkla. Læknateymið mun meta það hvenær hann getur snúið aftur til æfinga," segir í yfirlýsingu frá Tottenham.
Ljóst er að hann verður fjarverandi í einhvern tíma en hinn 36 ára gamli Fraser Forster kemur líklega inn í byrjunarliðið í hans stað.
