Það heyrðist af því um helgina, og sagt frá því í útvarpsþættinum Fótbolta.net, að Valur hefði spurst fyrir um Sindra Kristin Ólafsson, markmann FH, en hann er orðaður í burtu frá félaginu þessa dagana. Hann var orðaður við KA í síðustu viku.
Formaður fótboltadeildar Vals, Björn Steinar Jónsson, sagði við Fótbolta.net að Valsmenn hefðu skoðað markmenn vegna meiðsla Ögmundar Kristinssonar.
FH sótti á dögunum Mathias Rosenörn og er Daninn hugsaður sem aðalmarkmaður Fimleikafélagsins.
Fótbolti.net ræddi við Davíð Þór Viðarsson, yfirmann fótboltamála hjá FH , í gær og var hann spurður út í Sindra.
Formaður fótboltadeildar Vals, Björn Steinar Jónsson, sagði við Fótbolta.net að Valsmenn hefðu skoðað markmenn vegna meiðsla Ögmundar Kristinssonar.
FH sótti á dögunum Mathias Rosenörn og er Daninn hugsaður sem aðalmarkmaður Fimleikafélagsins.
Fótbolti.net ræddi við Davíð Þór Viðarsson, yfirmann fótboltamála hjá FH , í gær og var hann spurður út í Sindra.
„Það er erfitt að tala um einstök lið en það hefur alveg verið áhugi á honum og við vitum að staðan hans er örlítið breytt frá því sem var. Öll mín samtöl við Sindra hafa verið mjög góð. Hann er ánægður í FH, en það lítur kannski þannig út núna að hann sé númer tvö í röðinni hjá okkur. Ef svo ber undir, og það er hans vilji, þá myndum við finna lausn á því með honum að hann fengi að fara í annað félag," sagði Davíð í gær.
Sindri var orðaður við HB í Færeyjum fyrr í þessum mánuði. Kom tilboð frá Færeyjum?
„Nei, það kom ekkert tilboð frá Færeyjum. Ég sá þetta og las um þetta, en það var ekkert sem kom inn á borð til mín," sagði Davíð.
Athugasemdir
