Martin Ödegaard leikmaður norska landsliðsins og leikmaður Arsenal var allt annað en sáttur með tæklingu Rodri leikmanns spænska landsliðsins og Manchester City.
Rodri tæklaði Ödegaard hressilega inn í teignum eftir að sá norski hafði skotið að marki. Dómari leiksins dæmdi ekkert og Ödegaard var ekki sáttur við það í leikslok.
„Ég er nokkuð viss um að ég hefði átt að fá vítaspyrnu. Hann var með takkana á lofti og fór í ökklann á mér. Ef ég segi meira verður mér refsað. Ég ætla ekki að segja meira um dómarann, það er betra svoleiðis," sagði Ödegaard.
Leiknum lauk með 3-0 sigri spænska liðsins en Noregur var án Erling Haaland samherja Rodri hjá Manchester City.
Rodri didn't hold back on Martin Odegaard in this challenge ???? pic.twitter.com/uxDHAgRTlf
— ESPN UK (@ESPNUK) March 26, 2023