Fótbolti.net kynnir liðin sem leika í Lengjudeildinni í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið. Liðin fengu stig frá 1-9 en ekki var hægt að spá fyrir sínu eigin liði.
Spáin:
1.
2.
3.
4.
5.
6.
7.
8.
9.
10. Grindavík
Spáin:
1.
2.
3.
4.
5.
6.
7.
8.
9.
10. Grindavík
Lokastaða í fyrra: 1. sæti í 2. deild. Grindavík lauk keppni með 33 stig eftir 15 leiki á síðasta tímabili.
Þjálfarinn: Jón Ólafur Daníelsson. Jón Óli er reynslumikill þjálfari sem tók við liðinu í janúar. Jón Óli hefur verið í Vestmannaeyjum í rúman áratug en þar á undan þjálfaði hann bæði U16 ára landslið kvenna, GRV og Grindavík.
Styrkleikar: Það er mikið hjarta í Grindavíkurliðinu og baráttuhugurinn getur orðið styrkleiki fyrir liðið í sumar. Þá er afar klókur og reynslumikill þjálfari við stjórnvölinn sem veit nákvæmlega hvernig hann vill spila. Þó Jón Óli hafi ekki haft langan tíma til að koma sínum áherslum í gegn má reikna með skipulögðu Grindavíkurliði.
Veikleikar: Liðið hefur tekið miklum breytingum á milli ára og misst tvo af bestu leikmönnum síðasta tímabils. Það er lítil reynsla í hópnum og liðið hefur ekki verið beitt fram á við í vetur.
Lykilmenn: Guðný Eva Birgisdóttir, Cristabel Oduro, Kelly Lyn O’Brien
Gaman að fylgjast með: Nýliðinn Cristabel Oduro hefur spilað A-landsleiki fyrir Kanada og það er óhætt að segja að flest augu verði á sóknarmanninum. Hún þarf að skila mörkum svo að Grindavík eigi möguleika á að halda sæti sínu í deildinni. Það verður spennandi að sjá hvernig þessi eldsnöggi og reynslumikli leikmaður kemur til með að pluma sig í Grindavík.
Við heyrðum í Jóni Óla þjálfara og fórum yfir spánna og fótboltasumarið sem framundan er:
„Spáin er í takti við þá leiki sem við höfum leikið gegn liðunum úr Lengjudeildinni í vetur þannig að það kemur ekki á óvart að okkur sé spáð þessu sæti.”
„Undirbúningstímabilið hefur að mestu gengið vel. Liðið er mikið breytt síðan í fyrra og því tekur góðan tíma að slípa okkur saman.”
„Ég á von á því að það verði 3-4.lið sem berjast um efstu sætin og svo sama með neðsta hlutann og að önnur lið sigli lygnan sjó.“
Komnar:
Kelly Lyn O’Brien
Cristabel Oduro frá Kanada
Kristín Anítudóttir McMillan til baka úr meiðslum,
Farnar:
Birgitta Hallgrímdóttir í Hauka
Veronica Smeltzer til Bandaríkjanna
Margrét Ingiþórsdóttir í Fjölni
Eva Lind Daníelsdóttir í Keflavík (var í láni)
Ástrós Lind Þórðardóttir í Keflavík (var í láni)
Fyrstu leikir Grindavíkur:
6. maí Afturelding – Grindavík
13. maí Grindavík – Haukar
21. maí Grótta - Grindavík
Athugasemdir