Enski vinstri bakvörðurinn Danny Rose er að ganga í raðir Wigan í ensku B-deildinni.
Rose, sem er 32 ára gamall, gerði tveggja ára samning við Watford í byrjun ársins, en hefur síðustu mánuði reynt að losa sig frá félaginu eftir að liðið féll úr ensku úrvalsdeildinni.
Hann komst að samkomulagi við Watford um að rifta samningnum í byrjun mánaðarins og nú hefur hann fundið sér nýtt félag.
Rose mun ganga í raðir Wigan í B-deildinni. Hann var spenntastur fyrir því að vera áfram á Englandi en gríska félagið AEK var einnig í viðræðum við leikmanninn.
Englendingurinn eyddi fjórtán árum hjá Tottenham Hotspur áður en hann fór til Watford í byrjun ársins.
Athugasemdir