Orri Steinn Óskarsson leikmaður FCK var gestur í hlaðvarpsþættinum Ungstirnin á dögunum.
Orri spilaði sinn fyrsta leik í Meistaraflokki 13 ára gamall árið 2018 en hann skoraði þá þrjú mörk í þremur leikjum fyrir Gróttu í 2. deild.
Eins og fyrr segir er hann leikmaður FCK í dag en hann skoraði hvorki fleiri né færri en 43 mörk í 37 leikjum á árinu í unglinga og varaliði félagsins.
Arnar Laufdal Arnarsson stjórnaði þættinum en Elvar Geir Magnússon var gestastjórnandi í þetta sinn. Elvar spurði Orra hvort hann vilji ekki fara komast í fullorðinsbolta.
„Mig langar að fara spila með fullorðnum karlmönnum. Ég fékk aðeins að kynnast því með u21 árs landsliðinu og þegar ég spilaði með varaliðinu en varaliðsleikirnir í Dannmörku eru rosalega fáir. Mig langar að koma mér í aðallið FCK, vonandi mun það takast."
Fannst Orra hann eiga skilið að fá tækifæri með aðalliði FCK á síðustu leiktíð?
„Ég hugsa ekki þannig, ég hugsa að þjálfararnir hafa eitthvað plan fyrir mig og ég treysti þeim 100%, ef þeir segja að ég sé ekki tilbúinn þá er ég ekki tilbúinn."
Það vakti athygli hjá Elvari að Orri lék 37 leiki á árinu en það er ekki þekkt að drengir á hans aldri spili svona marga leiki á Íslandi. Þarf ekki að bæta við leikjum hér á landi?
„Klárlega, það eru alltof fáir leikir á Íslandi, t.d. í Pepsi deildinni. Það er gott fyrir leikmenn til að bæta sig og vera í betra formi. Það er gaman að horfa á þetta, toppliðin saman og neðri hlutinn saman, byggist allt á spennu."
Efsta deildin á Íslandi verður með breyttu sniði næsta sumar þar sem leikjum fjölgar og deildin skiptist í tvennt undir lokin og efstu liðin spila innbyrðis og neðstu liðin innbyrðis. Það er þekkt fyrirkomulag í Dannmörku.
Sjá einnig:
Orri Steinn skoraði 43 mörk í 37 leikjum á árinu
Orri Steinn 13 ára með tvennu í 2. deild - „ætlaði að ná þrennunni"
Athugasemdir