Man Utd hefur skoðað það að fá sóknarmann út tímabilið vegna meiðslavandræða.

Edinson Cavani, Islam Slimani og Odion Ighalo hafa verið orðaðir við United, en félag reyndi víst að fá Augustin. Það gekk hins vegar ekki þar sem Leeds hafi einfaldlega gert meira til að fá hann og félagaskipti hans þangað voru langt komin.

Crystal Palace hafði áhuga á Augustin síðasta sumar, en Brighton og Newcastle höfðu nýlega sýnt áhuga á honum ásamt Man Utd.

Ornstein segir að Marcelo Bielsa, stjóri Leeds, hafi verið mjög mikilvægur í skiptum Augustin. Bielsa og umboðsmaður Frakkans eiga í góðu sambandi.

Leeds fékk hinn 22 ára gamla Augustin á láni frá RB Leipzig út leiktíðina. Hann á að hjálpa Leeds í baráttunni um sæti í ensku úrvalsdeildinni.

Man Utd missti af Augustin til Leeds, en Bruno Fernandes virðist færast nær Rauðu djöflunum.