Breiðablik er komið í úrslit
Þór/KA 1 - 2 Breiðablik
0-1 Hrafnhildur Ása Halldórsdóttir ('99 )
1-1 Sandra María Jessen ('105 )
1-2 Írena Héðinsdóttir Gonzalez ('113 )
Lestu um leikinn
0-1 Hrafnhildur Ása Halldórsdóttir ('99 )
1-1 Sandra María Jessen ('105 )
1-2 Írena Héðinsdóttir Gonzalez ('113 )
Lestu um leikinn
Breiðablik er komið í úrslit Mjólkurbikars kvenna eftir að hafa unnið Þór/KA, 2-1, eftir framlengdan leik á VÍS-vellinum á Akureyri.
Það var fremur rólegt yfir fyrri hálfleiknum. Bæði lið að þreifa fyrir sér en á síðustu mínútum síðari hálfleiks fóru heimakonur aðeins að þjarma að Blikunum en náðu ekki að nýta sér pressuna.
Vandræðagangur var á vörn Þórs(/KA um miðbik síðari hálfleiks en Blikar nýttu ekki færin sem sköpuðust út frá því.
Liðunum tókst ekki að skora eftir venjulegan leiktíma og var því framlengt. Það var þar sem hlutirnir fóru að gerast.
Hrafnhildur Ása Halldórsdóttir skoraði fyrsta mark leiksins á 99. mínútu. Birta Georgsdóttir átti skor sem Shelby Money varði út í teiginn og þar var Hrafnhildur fyrst að átta sig og skoraði gott mark.
Undir lok fyrri hálfleiks framlengingar svöruðu heimakonur. Auðvitað var það fyrirliðinn Sandra María Jessen sem gerði markið eftir sendingu Huldu Bjargar Hannesdóttur.
Þegar sjö mínútur voru eftir af síðari hluta framlengingar kom sigurmark Blika. Írena Héðinsdóttir Gonzalez skoraði þá beint úr hornspyrnu og fleytti Blikunum áfram í úrslit.
Breiðablik mun mæta Val eða Þrótti R. í úrslitum bikarsins.
Athugasemdir
