Ítalía: Albert skoraði í öruggum sigri gegn Roma
Mynd: EPA
Mynd: EPA
Albert Guðmundsson, leikmaður Genoa, hefur verið orðaður við mörg stórlið á Ítalíu en nú síðast í dag var hann orðaður við Roma. Genoa tók á móti Roma í ítölsku deildinni í kvöld.
Albert kom Genoa yfir strax á fimmtu mínútu eftir vandræðagang í vörninni hjá Roma. Þetta var fyrsta mark hans í deildinni á þessari leiktíð.
Bryan Cristante jafnaði metin fyrir Roma en Mateo Retegui endurheimti forystuna fyrir Genoa undir lok fyrri hálfleiks.
Genoa bætti tveimur mörkum við í seinni hálfleik og öruggur sigur staðreynd.
Genoa er í 11. sæti með sjö stig eftir sex umferðir en það hefur gengið afar illa hjá Roma í upphafi tímabils en liðið er aðeins með fimm stig í 16. sæti.
Frosinone 1 - 1 Fiorentina
0-1 Nicolas Gonzalez ('19 )
1-1 Matias Soule ('70 )
Genoa 4 - 1 Roma
1-0 Albert Gudmundsson ('5 )
1-1 Bryan Cristante ('22 )
2-1 Mateo Retegui ('45 )
3-1 Morten Thorsby ('74 )
4-1 Junior Messias ('81 )
Monza 0 - 0 Bologna
Rautt spjald: Alexis Saelemaekers, Bologna ('87)
