Hann hélt hreinu þegar Gautaborg vann 4-0 sigur gegn Östersund í sænsku úrvalsdeildinni.

Adam Ingi er nýorðinn 19 ára. Hann er fæddur á Grundarfirði og spilaði hann með FH og HK í yngri flokkunum áður en hann fór erlendis. Hann er búinn að koma sér inn í myndina hjá Gautaborg og fékk eldskírn sína í deild þeirra bestu í Svíþjóð í dag.

„Ég lifi í draumi," sagði Adam eftir leikinn, sem mun lifa lengi í minningunni.

„Að spila fyrir framan 15 þúsund manns, ég er bara frá smábæ á Íslandi," sagði Adam og brosti.

Hér að neðan má sjá viðtalið sem var tekið við hann eftir leik.