Van Dijk neitar að tjá sig um framtíðina

Van Dijk hefur verið í lykilhlutverki á tímabilinu og vonast stuðningsmenn Liverpool til að félaginu takist að gera nýjan samning við varnarjaxlinn sinn.

„Ég hef ekkert að segja um framtíðina, ég er einungis einbeittur að næsta leik gegn Manchester City," sagði Van Dijk þegar hann var spurður út í nýjan samning við Liverpool, eftir 2-0 sigur gegn Real Madrid í Meistaradeild Evrópu í gær.

Því næst var Van Dijk látinn vita af því að Real Madrid væri í leit að nýjum miðverði.

„Eru þeir það í alvörunni? En þeir eru með Rüdiger," svaraði Van Dijk og endurtók sig.

„Ég er bara einbeittur að næsta leik, engu öðru. Það er óþarfi að spyrja mig út í hluti sem tengjast ekki næsta leik."