Napoli átti enn möguleika á að halda pressunni á Inter en átti samt sem áður fjarlægan möguleika á að vinna titilinn. Sá möguleiki er nánast alveg úti.

Matteo Cancellieri skoraði einfalt mark á 6. mínútu leiksins, eiginlega of einfalt. Kenneth Taylor tók hlaupið bakvið vörnina og inn á teiginn áður en hann lagði hann fyrir markið á Cancellieri sem gat ekki annað en skorað.

Lazio fékk tækifæri til að komast í 2-0 eftir rúman hálftíma er liðið fékk vítaspyrnu en Vanja Milinkovic-Savic varði frá Mattia Zaccagni og hélt Napoli inn í leiknum.

Þegar tólf mínútur voru liðnar af síðari hálfleik kom annað mark frá Lazio eftir að Napoli tapaði boltanum við miðsvæðið. Gestirnir komu á leiftrandi hraða fram völlinn, boltinn fyrir markið og á Toma Basic sem skaut föstu skoti í nærhornið.

Lazio ekki verið frábært á útivelli á þessu tímabili en náði þarna í mikilvægan sigur. Liðið er í 9. sæti með 47 stig, en Napoli áfram í öðru með 66 stig, tólf stigum frá Inter sem er á toppnum þegar fimm umferðir eru eftir.

Parma náði þá í góðan 1-0 útisigur á Udinese. Nesta Elphege gerði eina mark leiksins á 51. mínútu. Udinese er í 11. sæti með 43 stig en Parma í 13. sæti með 39 stig.

Udinese 0 - 1 Parma
0-1 Nesta Elphege ('51 )

Napoli 0 - 2 Lazio
0-1 Matteo Cancellieri ('6 )
0-1 Mattia Zaccagni ('31 , Misnotað víti)
0-2 Toma Basic ('57 )

Smelltu hér til að kaupa áskrift að Livey