Mál Benzema og Valbuena má rekja til ársins 2015 en Benzema átti þá að hafa kúgað Valbuena vegna kynlífsmyndbands.

Í kjölfarið var Benzema rekinn úr landsliðinu og hefur hann ekki verið valinn síðan. Sama á við um Valbuena.

Didier Deschamps, þjálfari franska landsliðsins, hefur útilokað það að velja Benzema í framtíðinni og það hefur Noel Le Graet, forseti franska knattspyrnusambandsins, einnig gert.

Mál Valbuena gegn Benzema hefur dregist en málið átti upphaflega að fara fram í sumar. Nú er það hins vegar staðfest að réttarhöldin fara fram 20. - 22. október næstkomandi og fagnar Benzema því.

„Já, loksins. Ég er klár. Nú lýkur þessu grímuballi að elífu," sagði Benzema á Instagram.