Brynjólfur Andersen Willumsson hefur verið kallaður upp í íslenska landsliðshópinn í staðinn fyrir Aron Einar Gunnarsson sem þurfti að draga sig úr hóp vegna meiðsla.
Landsliðsfyrirliðinn verður því ekki með Strákunum okkar í komandi leikjum við Aserbaídsjan og Frakkland í undankeppni fyrir HM 2026.
Það verður áhugavert að fylgjast með Brynjólfi sem hefur hingað til skorað eitt mark í tveimur A-landsleikjum. Hann hefur verið í miklu stuði á upphafi tímabils í hollenska boltanum og er markahæstur í efstu deild þar með fimm mörk eftir fjórar umferðir.
Strákarnir okkar taka á móti Aserbaídsjan á Laugardalsvelli næsta föstudag áður en þeir heimsækja franska landsliðið á Parc des Princes í París, þriðjudaginn 9. september.
Það vakti athygli þegar Brynjólfur var ekki valinn í upprunalegan landsliðshóp Arnars Gunnlaugssonar. Það vekur einnig athygli að Arnar kjósi nú að kalla upp sóknarmann þegar varnarmaður meiðist.
27.08.2025 13:10
Landsliðshópurinn: Daníel Tristan ásamt bróður sínum í hópnum
Athugasemdir
