Japaninn skrautlegi Keisuke Honda er búinn að skrifa undir samning við brasilíska félagið Botafogo.
Samningsviðræður milli félagsins og Honda drógust á langinn af ýmsum ástæðum og greindi brasilíski miðillinn UOL frá nokkrum þeirra. Beiðni Honda um að fá brynvarinn bíl við komu sína til landsins vakti sérstaka athygli, hann ætlar ekki að vanmeta hætturnar sem leynast á götum Rio de Janeiro.
Honda er 33 ára miðjumaður sem gerði garðinn frægan með CSKA Moskvu, AC Milan og japanska landsliðinu. Hann hefur verið yfirlandsliðsþjálfari hjá Kambódíu síðustu 18 mánuði við góðan orðstír en þjálfarateymi hans mun sinna stærstum hluta starfsins meðan hann leikur í brasilíska boltanum.
Honda vildi komast aftur í atvinnumennsku síðasta sumar en gekk ekki að finna sér félag. Hann ákvað því að koma sér á framfæri með að birta færslur á Twitter þar sem hann sendi skilaboð meðal annars til Manchester United og AC Milan, en ekkert varð úr því.
New Game! #HondaChegou 🇯🇵⭐️🇧🇷 pic.twitter.com/et3ecitGq1
— Botafogo F.R. (@Botafogo) January 31, 2020
Vamos !! @Botafogo #botafogo #ksk pic.twitter.com/MkECFErsaw
— KeisukeHonda(本田圭佑) (@kskgroup2017) January 31, 2020
Athugasemdir