Cristiano Ronaldo spilaði sinn fyrsta leik í dag undir stjórn Erik ten Hag en hann hefur verið í leyfi vegna persónulegra ástæðna.
Hann spilaði fyrri hálfleikinn en náði ekki að setja mark sitt á leikinn. Amad Diallo kom inná i hans stað og skoraði mark United í 1-1 jafntefli.
Það vakti athygli að Ronaldo sást fyrir utan leikvanginn í hálfleik en hann yfirgaf völlinn ásamt nokkrum öðrum leikmönnum liðsins áður en leiknum lauk. Félagið hefur ekki gert neinar athugasemdir við það.
Ronaldo deildi mynd á Twitter eftir leikinn þar sem hann sagðist vera ánægður að vera kominn aftur en fréttir hafa farið af stað um að hann vilji fara frá félaginu.
Happy to be back 💪🏽🙏🏽 pic.twitter.com/Fp6dpBTXcb
— Cristiano Ronaldo (@Cristiano) July 31, 2022
Athugasemdir