Fjölnir fékk topplið Lengjudeildarinnar Aftureldingu í heimsókn fyrr í dag. Afturelding komst yfir snemma leiks en Fjölni tókst að snúa við leiknum, lokatölur 4-2. Úlfur Arnar Jökulsson þjálfari Fjölnis kom í viðtal eftir leik.
Lestu um leikinn: Fjölnir 4 - 2 Afturelding
„Ég er mjög ánægður með þennan sigur og karakterinn í strákunum. Við gefum þeim mjög ódýrt fyrsta mark, feilsending og þeir refsa okkur. Sterkt að koma svona til baka. Þeir minnka muninn í 3-2 og við sýnum mikla seiglu að standa það áhlaup af okkur í lokin og gulltryggjum þetta svo í lokin"
Fyrstu tvö mörk Fjölnis komu með 67 sekúndna millibili
„Það sem kom okkur aðeins á óvart í uppleggi Aftureldingar að þeir biðu eftir okkur. Ég átti von á að þeir kæmu á okkur en þeir biðu eftir okkur og við bjuggumst ekki við því. Það tók smá tíma að fara spila meira í gegnum þá og koma boltanum inn í teig.
Um leið og við náum frábærri sendingu í teig þá erum við með Bjarna Gunnarsson og hann skorar mörk þegar boltinn kemur.
Svo bara láta kné fylgja kviði bara strax. Það er högg að fá á sig mark og oft er móment til að láta kné fylgja kviði og við gerðum það svo sannarlega."
Viðtalið má sjá í heild sinni í spilaranum hér að ofan.
Athugasemdir
