Stjarnan tók á móti Val á Samsung vellinum í kvöld þegar Besta deild karla fór aftur af stað eftir stutt landsleikjahlé.
Lestu um leikinn: Stjarnan 3 - 2 Valur
„Mér líður bara mjög vel og mér fannst þetta líka bara skemmtilegur fótboltaleikur" sagði Jökull I. Elísabetarson þjálfari Stjörnunnar eftir leik í kvöld.
„Tvö virkilega góð lið og spiluðu vel bæði í dag og áttu sína kafla. Heilt yfir í 90 mínútur fannst mér við sterkari og mér fannst við verðskulda sigurinn og hefði kannski viljað sjá okkur vera eins og síðast, meira 'ruthless' í byrjun leiks"
Stjarnan byrjaði betur og komust verðskuldað yfir en Valsmenn tóku svo leikinn örlítið yfir eftir mark Stjörnunnar.
„Mér fannst við fyrstu 20-25 mínúturnar við vera með öll völd. Sköpum mikið af færum og pressan sterk. Við föllum svo aðeins frá og það verður langt á milli manna og það eru stór svæði og við föllum frá mönnunum"
„Pirrandi því það var algjör óþarfi að hleypa þeim inn í þetta því mér fannst við vera með þannig tök á þessum leik. Það er bara eitthvað sem að við skoðum, hlutir sem við þurfum að gera afgerandi betur og það er bara frábært eftir sterkan sigur"
Nánar er rætt við Jökull I Elísabetarson í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 10 | 6 | 2 | 2 | 19 - 11 | +8 | 20 |
| 2. Breiðablik | 10 | 6 | 1 | 3 | 17 - 16 | +1 | 19 |
| 3. Valur | 11 | 5 | 3 | 3 | 24 - 16 | +8 | 18 |
| 4. Stjarnan | 11 | 5 | 2 | 4 | 20 - 20 | 0 | 17 |
| 5. Vestri | 10 | 5 | 1 | 4 | 12 - 7 | +5 | 16 |
| 6. ÍBV | 10 | 4 | 2 | 4 | 12 - 15 | -3 | 14 |
| 7. KR | 10 | 3 | 4 | 3 | 28 - 23 | +5 | 13 |
| 8. Fram | 10 | 4 | 0 | 6 | 16 - 17 | -1 | 12 |
| 9. KA | 10 | 3 | 3 | 4 | 10 - 17 | -7 | 12 |
| 10. FH | 10 | 3 | 2 | 5 | 15 - 14 | +1 | 11 |
| 11. Afturelding | 10 | 3 | 2 | 5 | 8 - 13 | -5 | 11 |
| 12. ÍA | 10 | 3 | 0 | 7 | 12 - 24 | -12 | 9 |
